Doğru mesaj – susan auditoriyanı da danışdırır.
Bəs necə?
Dove Real Beauty: Sadəcə Reklam Deyil, Mövqe
Keçən gün marketinq kampaniyalarını araşdırarkən gözümə maraqlı bir nümunə sataşdı: Dove “Real Beauty” kampaniyası.
2000-ci illərin əvvəllərində gözəllik standartları daha çox:
- “qüsursuz dərilər”
- “90-60-90 bədən ölçüləri”
- fotolarda həddindən artıq retuş
kimi təsvirlərlə dolu idi. Brendlər qadınları yalnız “mükəmməl” görünüşlərlə təmsil edirdi. Lakin Dove bu yanaşmanı dəyişdi.
Kampaniyanın Mahiyyəti
Gerçək Qadınlar, Gerçək Gözəllik
Dove-un kampaniyasının fərqi:
- Reklamlarda real qadınları göstərdi.
- Fərqli yaş, çəki, dəri rəngi, bədən quruluşu olan modellər seçdi.
- Gözəlliyin tək bir standartı olmadığını mesaj verdi.
Bu, qadınlara “sən kifayət qədər gözəlsən” mesajını göndərdi. Həmin dövrdə bu, həm cəmiyyət üçün, həm də reklam bazarı üçün inqilabi addım idi.
Düzgün Mesajın Gücü
Bu kampaniya yalnız reklam deyildi. Dove mövqe sərgilədi. Brend demək istədi ki:
“Gözəllik tək bir kalıba sığmaz. Hər qadın gözəldir.”
Bu, qadınlarda böyük emosional rezonans yaratdı. Çünki özlərini illərlə reklam dünyasında görməyən qadınlar bu dəfə özlərini Dove-un reklamlarında tapdılar.
Susan Auditoriyanı Necə Danışdırdı?
Dove-un mesajı susan auditoriyanı danışdırdı və reaksiya yaratdı.
- Qadınlar sosial mediada öz hekayələrini paylaşmağa başladılar.
- Forumlarda, bloglarda Dove-un reklamından danışıldı.
- Medianın diqqətini çəkdi, saysız məqalələr dərc olundu.
- Sosial təsir kampaniyası virala çevrildi.
Bu, User Generated Content (UGC) baxımından da brendə böyük fayda verdi. İnsanlar brend haqqında özləri danışanda, bu, ən güclü marketinq olur.
Nəticə: Yalnız Satış Yox, Sosial Təsir
Dove “Real Beauty” kampaniyası göstərdi ki, marketinq yalnız məhsulu satmaq deyil. Marketinq mövqe sərgiləmək, dəyər paylaşmaq və insanların emosiyalarına toxunmaqdır.
Kampaniya ilə:
✅ Satışlar artdı.
✅ Brendin etibarı gücləndi.
✅ Qadınların özünə inamı yüksəldi.
✅ Dove illərlə danışılacaq bir marketinq nümunəsi yaratdı.
Sənin Biznesin üçün Nə Öyrənmək Olar?
- Mövqe sərgiləməkdən qorxma.
- Auditoriyanı dinlə və onların hiss etdiklərini dilə gətir.
- Emosional bağ yaratmaq uzunmüddətli nəticələr verir.
- Brend dəyərlərini reklamda göstər.
Yazının əsili Maryam Ganbarli tərəfindən Linkedİn üzərindən paylaşılmışdır.
